Kô 90 hlei a vaw châ hala a mo zoh kaluh hleikhô ta a nahzy pua pâ khai ha bâ hra, ie-pazô siekheipa chhao nota leipa a vaw châ haw. A satliano ta sa hluhpi phaoh tyhpa kha atahmâ deikua o chhôh liata awh a vaw ngiapa hmâh lai thei khao vei. Ama daihtino khizaw asosâh mâh leipa vâta chhao a châ ngyu aw, a satliano ta zurie nata sachawh hmie pahâhsa kaw tyhpa kha atahmâ deikua lao châpa hmah âno châtala thapi phiata niepa a vaw byu haw. Cha vâta chhao a châ ngyu aw, ama khih zawpi zy za ei ta, "Mahpaw" tah leipa y khao veih ei. Mongyu nah chhochhi la 'Nonagerian' ama tah kô 90 tloh hapa nah hih. A ngia ei tah dâh la!
Machâ kawpa vâta bie chhao hmah a reih dâh sianô thai khao vei - a ha lao khai vâ chhao a châ ngyu aw - châhrasala a sawnahzy lâthlôh dohpa lia â chhih khai ei ta, ama khih liata 'ano ano' ama tahpa sai amâ vaw châ khai hawh. Chinese bieso liata 'Na sawchapawpa cha ngasa nie dâh hlâta, ngasa patu dâh tlao pachu via mah y" tahpa châ bu lia ei kha hmah reih beih hra vei sala, ano hro liata hrokheituhpa tlao a châ. 'Kei ei reih hlâta la âmo ta ama reihpa vaw nahthlie via tua sa' tahpa lôhpi mohropa nahzy ta pachâna ama vaw hnei mâh hlâta hmâh(Apply) tuapa tlao a vaw châ heih chu(h). He mahpaw halaopa hi mo panaipa a chhuahpa maih asâhzie ama pahno via rili cha maw! Kei cheingei chhao hih ei taochhei ha tyh mâh ta.
Pathaihsatuhpa ei châ leipa chhao ta, papua-paleituhpa la châ va na aw, tahpa lôhpi a phaopa vâta chhao a châ ngyu aw, awnano liata tovyuh ama pie khiah sahlaozy tha pathyu thei nawpa ta hria ta, a theina tlôkhu ta a khih nata râh châ ta a thapi â phia. Tovyuh ama pie leipa chhaota paphôh leipa ta 'Kei hlâta pha viapa ama vaw hluh kawpa a châ hih. O lâ tawhta thlahchhâna ta vaw bao lialô vâ na' tahpa tlao hrokhei. Chavâta ama khih cha ä ngia ta, lolei paw hawhta nohto ta a vaw pawh via rili heih tyh.
Châdi zasâh mo a khi hra vei sala, hiava tawhta tipasopa a daopa vâta thaina nata sona deikua nâma nata keima, chyhsa zawmarapa deipi hela mo panai chi châ ngyu vei aw. Ryureina tlâh lia a chao a patyu nahta deikua la nôhmei sawchapaw hawhta a reisi ta, â thlahchhie tyh. Sahlao chhihthatuh'pa a chânazie â moh hawh tlaita a pahnopasia ta 'ei theina hela awh pachi zie hmah châ vei e' tah ta a theina hleikhô taihta a theina a papua tyh. Chavâta ama khih-tlâh chhao a zo ta chôthlahpinô vawpa hawhta khai ngia ta, ama khihsawzy ta cha chôthlahpinô chakuh-chaveipa ta nata a khai pangia via rili heih awpa ta awhsi khaihpa hawhta ama vaw khai pachhuah hra ei ta, ki to tawhta ama vaw khai pahlie. A ngia dâh la aw, hmô mâh leipazy hmôpa byuh ei ta, hmo hâpazy hmô chaneipa ama byuh heih tyh mâh ta. Thai khiah maw â tah na ta 'Poem' hi ei pahâh chhei ha hra bao, mosaw-nahzy chhao ama tao ngakaw tyh hra cha ma, khe he-
Chô si-awh khaih ngia cha,
Toti zydua hlá na ngia chai
Ei chô si-awh sai u
Lo lei ta vaw khai ula
Hâhzo chhiki ngia via rili
A chapaw heihpa zy nata mosaw zy lyu lei kawpa ta khih hro râh la kei chakâna lâthlôh pasi lei ngai ta, a tlô pasi chaina chhao hmah a satlia nohta lôlei lâta lôh chaleino va ngâlah a châ. Ama chhôhkha duasu sidi-sidâ vâ chhao a châ ngyu aw. Ama khihsa chhao rai nao vei kaw, mydi noh vaw puapa tawhnahta a takô tiah nata tiahleipa mo ta, WhatsApp zy, Facebook zy etc. y chhao hmah vaw châ ha sala hria hmâh ngyu vei aw, ei tah palôhru tyh. Abua ka che ha châ! Atahmâno nô thokha ama pabua-pabâsa ngakaw hrapa hela a tlaikao reih kawpa ta 'nep tak a ni'.
Hru nohta ama lao awpa nopi, châhvâ nata thlasi nohta thata vaw bua tyhpa hlo-ia nah hawhta nohto dawh apahie maih cha bua ngaita ta, keimo Khôpai mo la chà maw sila 'a bua hrai hrae nai' eima tah cheingei thlyu aw. A hria papua chhôhpazy cha sâkhana liata Paw Khazoh tovyuh pie tyh ta, apie ngâthlàh tyh. Tlâhna byhnâ a tona chhâpa nata a sawnahzy byhnâ ama tona chhâpa a châ hra, ama tah tyh ama khisawzy ta. Cha hawhta reihtuhpa nah deikua pakah ngâlah hnei ei ta, ku nata phei ama hnei vei khiah maw tah awpa ta hmosai piena kyh lia hnôh ama sy heih cha maw! A chhâ n'awpa ta Khizaw nata Mara râh lia cheingei chhao Awnano â duana maih liata kha nata khâ vâ tlyma chhithatuhpa nah likah lia buana a y tyh ama tah cha maw. Rarôh a y l'y! 'Karânie' vâta zy ama ta cha maw! North-East India liata paphôh thai chaipa 'Title' ei la tlamaw aw tahpa ei chi hihu pathao ha.
Machâ kawpa vâta bie chhao hmah a reih dâh sianô thai khao vei - a ha lao khai vâ chhao a châ ngyu aw - châhrasala a sawnahzy lâthlôh dohpa lia â chhih khai ei ta, ama khih liata 'ano ano' ama tahpa sai amâ vaw châ khai hawh. Chinese bieso liata 'Na sawchapawpa cha ngasa nie dâh hlâta, ngasa patu dâh tlao pachu via mah y" tahpa châ bu lia ei kha hmah reih beih hra vei sala, ano hro liata hrokheituhpa tlao a châ. 'Kei ei reih hlâta la âmo ta ama reihpa vaw nahthlie via tua sa' tahpa lôhpi mohropa nahzy ta pachâna ama vaw hnei mâh hlâta hmâh(Apply) tuapa tlao a vaw châ heih chu(h). He mahpaw halaopa hi mo panaipa a chhuahpa maih asâhzie ama pahno via rili cha maw! Kei cheingei chhao hih ei taochhei ha tyh mâh ta.
Pathaihsatuhpa ei châ leipa chhao ta, papua-paleituhpa la châ va na aw, tahpa lôhpi a phaopa vâta chhao a châ ngyu aw, awnano liata tovyuh ama pie khiah sahlaozy tha pathyu thei nawpa ta hria ta, a theina tlôkhu ta a khih nata râh châ ta a thapi â phia. Tovyuh ama pie leipa chhaota paphôh leipa ta 'Kei hlâta pha viapa ama vaw hluh kawpa a châ hih. O lâ tawhta thlahchhâna ta vaw bao lialô vâ na' tahpa tlao hrokhei. Chavâta ama khih cha ä ngia ta, lolei paw hawhta nohto ta a vaw pawh via rili heih tyh.
Châdi zasâh mo a khi hra vei sala, hiava tawhta tipasopa a daopa vâta thaina nata sona deikua nâma nata keima, chyhsa zawmarapa deipi hela mo panai chi châ ngyu vei aw. Ryureina tlâh lia a chao a patyu nahta deikua la nôhmei sawchapaw hawhta a reisi ta, â thlahchhie tyh. Sahlao chhihthatuh'pa a chânazie â moh hawh tlaita a pahnopasia ta 'ei theina hela awh pachi zie hmah châ vei e' tah ta a theina hleikhô taihta a theina a papua tyh. Chavâta ama khih-tlâh chhao a zo ta chôthlahpinô vawpa hawhta khai ngia ta, ama khihsawzy ta cha chôthlahpinô chakuh-chaveipa ta nata a khai pangia via rili heih awpa ta awhsi khaihpa hawhta ama vaw khai pachhuah hra ei ta, ki to tawhta ama vaw khai pahlie. A ngia dâh la aw, hmô mâh leipazy hmôpa byuh ei ta, hmo hâpazy hmô chaneipa ama byuh heih tyh mâh ta. Thai khiah maw â tah na ta 'Poem' hi ei pahâh chhei ha hra bao, mosaw-nahzy chhao ama tao ngakaw tyh hra cha ma, khe he-
Chô si-awh khaih ngia cha,
Toti zydua hlá na ngia chai
Ei chô si-awh sai u
Lo lei ta vaw khai ula
Hâhzo chhiki ngia via rili
A chapaw heihpa zy nata mosaw zy lyu lei kawpa ta khih hro râh la kei chakâna lâthlôh pasi lei ngai ta, a tlô pasi chaina chhao hmah a satlia nohta lôlei lâta lôh chaleino va ngâlah a châ. Ama chhôhkha duasu sidi-sidâ vâ chhao a châ ngyu aw. Ama khihsa chhao rai nao vei kaw, mydi noh vaw puapa tawhnahta a takô tiah nata tiahleipa mo ta, WhatsApp zy, Facebook zy etc. y chhao hmah vaw châ ha sala hria hmâh ngyu vei aw, ei tah palôhru tyh. Abua ka che ha châ! Atahmâno nô thokha ama pabua-pabâsa ngakaw hrapa hela a tlaikao reih kawpa ta 'nep tak a ni'.
Hru nohta ama lao awpa nopi, châhvâ nata thlasi nohta thata vaw bua tyhpa hlo-ia nah hawhta nohto dawh apahie maih cha bua ngaita ta, keimo Khôpai mo la chà maw sila 'a bua hrai hrae nai' eima tah cheingei thlyu aw. A hria papua chhôhpazy cha sâkhana liata Paw Khazoh tovyuh pie tyh ta, apie ngâthlàh tyh. Tlâhna byhnâ a tona chhâpa nata a sawnahzy byhnâ ama tona chhâpa a châ hra, ama tah tyh ama khisawzy ta. Cha hawhta reihtuhpa nah deikua pakah ngâlah hnei ei ta, ku nata phei ama hnei vei khiah maw tah awpa ta hmosai piena kyh lia hnôh ama sy heih cha maw! A chhâ n'awpa ta Khizaw nata Mara râh lia cheingei chhao Awnano â duana maih liata kha nata khâ vâ tlyma chhithatuhpa nah likah lia buana a y tyh ama tah cha maw. Rarôh a y l'y! 'Karânie' vâta zy ama ta cha maw! North-East India liata paphôh thai chaipa 'Title' ei la tlamaw aw tahpa ei chi hihu pathao ha.
No comments:
Post a Comment