A kô deikua cha hawhta pahnopasia khao na, châhrasala kô 2002 - 2005 rachhôh a châ tahpa nata A. P. J. Abdul Kalam ta India President a châ no tahpa deikua ei pahnopasia. Primary School ei kia chy no, khonô ei pahno mâh hlâ nata ngai â si awpa ta zâ charei chho ngâthlâhpa ei byuh lihchih. A yzie la ei hâti kaw chy tahna ('tahmâ ei uthei kaw bâ tahna chhao châ hlei taraw vei). Cha daihti no rachhôh eima pachutuhpa nahzy ta 'Aim in life' maniah hiahhri nahta ei chhyna la 'India President' ei tah tyh. Na pahnei a vaw chhi pâ ma? Ei viasapaw Stevenson Azyu (Pasaw) ta US President châ âchhuahpa hlâ khala a zie y via rai rai.
Kô 10 hlei vaw sie ta, kô 10 hlei ei vaw uthei via ha bâ hra, ei pôrao chhao vaw lai via ta, ei palôh phaopa chhao a vaw satlia via bâ hra. Cha vâ chhao a châ ngyu aw 'Teenage Dream' ei paphasa dâh tyh khawh. Ei pachâna mothlaw lia thata a zaw na ta, tlâh to su to ei hry lai tyh. Ahy pawmaih lyubie ei hlâ khoh na ta chhochhi la 'Huiham' tlâ châ. Reihpasia dâh n'awpa chhao hmah pahno va na. Chacha hahzo chhiki daihti ei hmâh dâh tyh a châ. Thokha na pahnokhei eichi ta, thokha deikua nama pahnei chhi ngyu vei aw. Eima âhmie khopa nata chhithai eima tah a lyu leipa sai ahy hmah â maochhie thei ma pi aw.
Âmo nata thokhazy khokheina vâta Rashtrapati Bhavan cha ei tlô ha hra, ei hâti viano châ leipa ta zâhnia-hnia-hnia heihpa ( 2nd April, 2018) khaw. 'Ei ly dâh la' tahpa hi kheita maw roh sala a 'Hyperbole' via tly, ei ly tu ngâsâ. Keila ei lynazy hi 'Euphimist' thai leipa na ta, 'High-fallutin' chhao eina tah ngyu thei eichi. Deikua na pahnopasiatuhpa nah la 'Obsequious' eina tah ka che tyh ei.
Abyuh leipa ta Mongyu reih thata ei vaw pahlaona chhâpa la Rashtrapati Bhavan khaw a piry ei tah hleikhô ta, a vaw ngia kaw vâta a châ. Asosâh tu ngâsâ, ama Refreshment-zy khaw pahâh kaw ta, eima Delhi MSO President Joel Mychhua Nôhro chhochhi la a dao chanei pâ ngakaw. Eima nie ngâkaw no ta, a chô lâ tawh khei hawh Music band nah ma ama châ tly - 'The hills' nah la ama châ leipa ta na ei pahno - Music pyu ngiakawpa ta ama vaw tôpazy khawh, a ngia dâh chi, eima hmo niepa chhao a pahâhsa via. 'The Tonight Show Jimmy Fallon'-'zy ei vaw thei papua pâ ngakaw.
Ei pazô chhi muaruapa vâ chhao châ taraw hlei leipa ta ei thôh pazô ei sâh, a ro pahâh kaw hra chy. Keimozy Perfume hlâta la a ro pahâh via syulyu. President Ram Nath Kovind a vaw ngiano ta a kâ lâ tawh chiamie ta 'Jana Gana' ama vaw tôpa pyuzy khawh ah, sapie-lyuna topa nah châta la 'Chhei, Amen' tah na khi a châ rai rai.
Gospel Thâlai Nôhro, Delson Nôtlia, Kei nata Joel Mychhua Nôhro zy eima molai viapa vâ nata eima hmipha viapa vâ chhao châ hlei leipa ta, Zawpi ama tyuna hlâta chyta âsâh via lâ â tyuh pi ta, ei kiapâh liata a tyuhpa Delson Nôtlia ta a paro tu leipa, ao pakyh(Bass)-pâ nachôta molaipa nah ama vaw ngia nahta "L.K Advani a châ khu, Rajnat Singh a vawh lai ngâkaw khu, Venka Naidu a vaw ngia hra khu" a tah thei khai thlâhpa khala, ei vaw pachia kaw hlâ na. Kei deikua "Cha ta ma" tah khoh rai rai na, a chhâpa la pahno vei hi eina tah tlamaw aw tah ei chi hnai ta. Pahno chiehpa hawhta phie phie ei y hra. Narendra Modi hleikhô pahnopa hmah ei hnei lei tlai. Chadei châ vei, pakha paw Shashi Tharoor khiah maw tah na ta, achâ pâ lao vei chu. Kei hela, laihsa y pha kho leipa (lerh kawpa) hmah châ sala saw phao 'mai mai' va na aw. Khoh hlâh tlôh, khôh lei a pachâ, tahpa 'Skills' he na ei vaw thai chhei ha hra, he hawhpa degree y sala a chhie chaita 'M. Phil.' la ei châ cheingei bâ aw.
Cha hmo zydua ei tyh theina chhâpa ei rei lei khiahtala Subhas Chandra Boss a hlao leipa ta India ta khotalaina a teino thâtih reipa nata a miakha thlâh ha aw. Âki leip'awta, thokha chhochhi la nama no lâlao hlei khô ta, âh aw ta, mao pâ aw. Marasaw tawhta Padma Shri a dao tuachaipa Puhpa A. Zakia chakao-chahlâh thei awpa hry liata ei hlao chyu-chyu hra vâ a châ. Nohlao â tah na ta, noh zydua chhao ei hnei pâ khai. Kha ei hmo tyhpa (Experience) zydua kha kô 10 a vaw khô tita la ei palai hraw va dâh.
Khih liahliah liata chhao pahrâ thei leipa nata riethei kawpa, phôh liata nôhmei sawchapawpa ama khih beipa ta zurie doh-lâh awpa ta a hrua hrapa na ei palyusa. Byuh tlô, a thlachhie tlô. Ei byuhna a lai via hnaita, lô cha ei bô ha hra.
Kô 10 hlei vaw sie ta, kô 10 hlei ei vaw uthei via ha bâ hra, ei pôrao chhao vaw lai via ta, ei palôh phaopa chhao a vaw satlia via bâ hra. Cha vâ chhao a châ ngyu aw 'Teenage Dream' ei paphasa dâh tyh khawh. Ei pachâna mothlaw lia thata a zaw na ta, tlâh to su to ei hry lai tyh. Ahy pawmaih lyubie ei hlâ khoh na ta chhochhi la 'Huiham' tlâ châ. Reihpasia dâh n'awpa chhao hmah pahno va na. Chacha hahzo chhiki daihti ei hmâh dâh tyh a châ. Thokha na pahnokhei eichi ta, thokha deikua nama pahnei chhi ngyu vei aw. Eima âhmie khopa nata chhithai eima tah a lyu leipa sai ahy hmah â maochhie thei ma pi aw.
Âmo nata thokhazy khokheina vâta Rashtrapati Bhavan cha ei tlô ha hra, ei hâti viano châ leipa ta zâhnia-hnia-hnia heihpa ( 2nd April, 2018) khaw. 'Ei ly dâh la' tahpa hi kheita maw roh sala a 'Hyperbole' via tly, ei ly tu ngâsâ. Keila ei lynazy hi 'Euphimist' thai leipa na ta, 'High-fallutin' chhao eina tah ngyu thei eichi. Deikua na pahnopasiatuhpa nah la 'Obsequious' eina tah ka che tyh ei.
Abyuh leipa ta Mongyu reih thata ei vaw pahlaona chhâpa la Rashtrapati Bhavan khaw a piry ei tah hleikhô ta, a vaw ngia kaw vâta a châ. Asosâh tu ngâsâ, ama Refreshment-zy khaw pahâh kaw ta, eima Delhi MSO President Joel Mychhua Nôhro chhochhi la a dao chanei pâ ngakaw. Eima nie ngâkaw no ta, a chô lâ tawh khei hawh Music band nah ma ama châ tly - 'The hills' nah la ama châ leipa ta na ei pahno - Music pyu ngiakawpa ta ama vaw tôpazy khawh, a ngia dâh chi, eima hmo niepa chhao a pahâhsa via. 'The Tonight Show Jimmy Fallon'-'zy ei vaw thei papua pâ ngakaw.
Ei pazô chhi muaruapa vâ chhao châ taraw hlei leipa ta ei thôh pazô ei sâh, a ro pahâh kaw hra chy. Keimozy Perfume hlâta la a ro pahâh via syulyu. President Ram Nath Kovind a vaw ngiano ta a kâ lâ tawh chiamie ta 'Jana Gana' ama vaw tôpa pyuzy khawh ah, sapie-lyuna topa nah châta la 'Chhei, Amen' tah na khi a châ rai rai.
Gospel Thâlai Nôhro, Delson Nôtlia, Kei nata Joel Mychhua Nôhro zy eima molai viapa vâ nata eima hmipha viapa vâ chhao châ hlei leipa ta, Zawpi ama tyuna hlâta chyta âsâh via lâ â tyuh pi ta, ei kiapâh liata a tyuhpa Delson Nôtlia ta a paro tu leipa, ao pakyh(Bass)-pâ nachôta molaipa nah ama vaw ngia nahta "L.K Advani a châ khu, Rajnat Singh a vawh lai ngâkaw khu, Venka Naidu a vaw ngia hra khu" a tah thei khai thlâhpa khala, ei vaw pachia kaw hlâ na. Kei deikua "Cha ta ma" tah khoh rai rai na, a chhâpa la pahno vei hi eina tah tlamaw aw tah ei chi hnai ta. Pahno chiehpa hawhta phie phie ei y hra. Narendra Modi hleikhô pahnopa hmah ei hnei lei tlai. Chadei châ vei, pakha paw Shashi Tharoor khiah maw tah na ta, achâ pâ lao vei chu. Kei hela, laihsa y pha kho leipa (lerh kawpa) hmah châ sala saw phao 'mai mai' va na aw. Khoh hlâh tlôh, khôh lei a pachâ, tahpa 'Skills' he na ei vaw thai chhei ha hra, he hawhpa degree y sala a chhie chaita 'M. Phil.' la ei châ cheingei bâ aw.
Cha hmo zydua ei tyh theina chhâpa ei rei lei khiahtala Subhas Chandra Boss a hlao leipa ta India ta khotalaina a teino thâtih reipa nata a miakha thlâh ha aw. Âki leip'awta, thokha chhochhi la nama no lâlao hlei khô ta, âh aw ta, mao pâ aw. Marasaw tawhta Padma Shri a dao tuachaipa Puhpa A. Zakia chakao-chahlâh thei awpa hry liata ei hlao chyu-chyu hra vâ a châ. Nohlao â tah na ta, noh zydua chhao ei hnei pâ khai. Kha ei hmo tyhpa (Experience) zydua kha kô 10 a vaw khô tita la ei palai hraw va dâh.
Khih liahliah liata chhao pahrâ thei leipa nata riethei kawpa, phôh liata nôhmei sawchapawpa ama khih beipa ta zurie doh-lâh awpa ta a hrua hrapa na ei palyusa. Byuh tlô, a thlachhie tlô. Ei byuhna a lai via hnaita, lô cha ei bô ha hra.
No comments:
Post a Comment