EIMA ZIZA NATA EIMA PALÔHRU (OUR SITUATION AND ATTITUDE)

 ( Paw pathôh heta KNP -nah thopi dao liata beilôhhawhpa reih pâ na chôta thopi doh ngâkaw ei ta.  Nô thopi dao hâpa-nah chhao ama rai chyu liata bua ngâkaw chy hra ei ta; thokha viachhâ tao ngâ, thokha ta thopi nata viachhâ nie ngâkaw hra tahpa ta.)

Melako paw :   Zâhnia ta election kha la ei palôh rai rai na tlâh thei vei, a fair leipa hmah châ vei asu thai rai vei.

Ketha paw :  Cha bao na, nâ ei cha khoh kaw tlai, keila nâ lah y ei cha vote.

Melako paw :  Eima khih mo chhihthatuhp’enawh hela naw ama ngâ tu sai, I ngâpa ma sie khai ha ei tly, kha election su tawhta khaw avaw adi syulyu hapa tlai maw ei khoh bao zâhnia cha, ama ngâ tu ha.

Ketha paw :  Sure lia tloh awpa ta ei cha soh hlâh tlaita khata avaw châ thlâh kha cha, no po- âh khai cha, election miah pahneisatuhp’enawh pastor nata  Minute Recorder zy tlai maw tlâ ei maochhie bâ bao, khâti ta hmah eima khih awnanopa hela thlahpa nata sasapa lia asosâh mah pi aw tahpa hi 100 liata 124 ei chiang.

Hlime paw :  Kei chhochhi la naw bie hmah reih hoh na, atahmâ ta châna ei patupa hi mylâ bâhna châ Pen-ti saipa nata roh sa la ei pangia ha aw, eina ai.

Melako paw :  keichhao bâhna châ pangia hr’awpa ta na tlâ ei khoh.

Ketha paw : Châna phapa âmo sai arai ei,heta hela khoh barôthu tiarâh na chu.

Melako paw :  Zâkô ta Christmas nata Kôthie noh zy kei cha phusâ Rs. 1000 ei bao ei kha thopi palô nawpa tah na ta, apakhyna lia chhao ama phua ngâkaw vei ma? Kei mâh my thyu hluh chai tyh bao. Chhihthatuhpa lia Sermon chhao ei reih thai chai; Bible chhao ei pahno chai hra. Rai rai ta ei hmotao phapazy cha nâmo ta hmah namâ pahnopasia ka che haw tlai my.

Hlime paw :  Pahno e!! Pahno e!! Atahmâta eima tly patlohpa nah, ehhh, ‘eima tly patloh’ ei tah chu, ama tly patlohpa nah khi la naw Naia Dere hmah thyu beih veih ei. Ei pahnopasia tu ha. Ama kuva nata châhnamei chalei nawpa dei lah Chhuamâ dao nata Betheli paw nah dao lâ ama thyu tyh

.

Melako paw : Ama py thu thu ta a!!! Khôpai saw lia cha Khazohpa ngiachhiena vâta ei hneina chhao â daih ta, ei hmi nata sâ chhao a pha; ei vo chhao khai ta a panyu ngâsâ hra. Chatlai ta kei hmah chhâ na palai ei ta, âmo sabypi( Sabawp) pha phapa sai ama rai thlâhpa hela ei pathi Hlômâ mo lyu kâ-û hlâta kâ viata ei hnabeidyna he Beinô chavâh hlâta athu viata field kiapâh liata cha-aw kô hlâta chhao âsâh via ngyu aw.

Ketha paw : ( Uar kawpa ta)  Melako paw, Khôpai DONALD TRUMP ei y hlâh he, a khâ cha my nama palôh namâ pabuasa tly. Khâhma chi kh’u, adyuhpi ei-3na he Khôpai tawhta  â thao hih, salaaa benchus. Ahyhma chi  va na,  ‘ma chamieh-pachhô khai aw ( Hu chatlie kawpa ta so pâ ta).

Meleko paw : Het!! Het!!! A Chheisss!!!! Chheisss!!! ( Ku paro kawpa ta chabai pâ ta) Pha!!! Pha!!  EI hiehâh tupa hi zâhnia la eima nô kia lia chhao amô hoh hra na, Sitting room lia zampher phaw nata tlâ ei mô. Ei saw nah beih chho âchhuah  ei ta, pasai hra vei na. ‘ Nama paw palôhrie thei kaw he lao nama nie thei ma’ tlâ ei tah ei.

( Chata ama titi ngâkaw nona cha Thopi dao hâtuhpa nô pathôh (3) hry liata pakhapa saw hâtipa cha  âvy ta anô thopi nata viachhâ anie ngâkawpa, hmao tlao tlaopa cha vaw hmo ta….)

Hâti 1:  Keinô ei no nadi, viachhâ ei khoh hra,na pie hra tua.

Anô1 :  ( Reih chahrâh kawna chôta) Âvy hoh dah! Âvy hoh dah! Keimo dao  na ei hâ na tah ma? O lâ va zu la laochhopa va nie tyh. Na paw y hlâh heih vei ma? Nama paw saw eina ai kaw ei chi, nama tha ta thi chu.

Anô 2 :  Viachhâ tlai cha ah, pie tyh!! pie tyh!! Keimo chhao eima khoh zie tlai maw eima nie hraw bao, eima rai parua khai pita dao eima hâ he, akhoh zie zie khawh pie tyh.

Anô 1 :  ( Viachhâ sa2 beih tawhta la ta, asaw pie pâ na chôta) Va vawh bâ ta khawh, ei kha hmah âvy khao khâ. Na pua pua ta ah…. ( hatipa cha vaw syulyu ha ta).

(Paw pathôh nah vaw lâ heih ei……………………………………………………………………………………………….)

Hlime paw  :  Baka paw zy, Hlara paw paw zy nata ama sahlao nahzy vata na l’y  na tla, âmo khu  ama hrochhie kaw ei ta naw, awnano election he Vc election ny ama tah tlyma, khata ama pa-ysa khiatala ei chhaw khai ei.

Melako paw :  Ei pangiasa Pâ rai âmo khao naw, ama pahno ngâsâ aw. Ahy maw MDC hmia pahno hnei  hluh via eima mo kha tlyma. Hata heih lâ la Siaha lâ Awh sâthoh (3) aphao sa la Siaha lâ ei khy tua aw, Khazoh ngiachhiena vâta MDC nata Officer hmia pahno penawh ei pazai tu ha.

Hlime paw : Opâpa-nah hmo hiah ngâlah baona tlâ ama thai bao. Dâhpithu taihta ama hia lai chu. 

Ketha paw  : Khai!! khai!! Chakhiatala o lâ na ei vaw tua aw, Âtei akaopa khoh na ta, nama vaw y chy ma, keila ei chapuasai chy tua ei. ( Zozial tlôhna apazy laibâhpa cha vaw khai pâ ta)

Melako paw  : keimo chhao eima kaw pua lai hra aw, thopi eima dona mâ hi khazie maw? ( Anô 3 lâ ahei pâpa ta).

Anô 3  : A zydua ta Rs.100. Eh!!! Mâh tua khâ ei vaw chhu pathi tua aw. ( ku paro thlie ta, hmo pachâ) A zydua ta Rs. 120. Cha mess ( Maths) ei thai lei muarua chala, Middle ei chu no ei bawn kaw hra tlai.

Melako paw : Ketha paw, phusa zopa nâ vao ma?

Ketha paw : Âvao hra na va, Hlime paw nâ â vao chi ma? Installment ta ma tlâ eima pie chy ma. Bua dâh cha!!( Ama by ahrao ei, chapu ei  ama pathôh ta cha).

Melako paw :  Kha instalment ma na reih y? Chakhiatal Anô 3 vaw roh hlâh heih chy t’u, thla thie lâ eima leibâh zydua eima chhôhkha ta avy pita eima  chapie aw ( Pakieh pâ ta, ama pathôh cha dao puasai ha ei ta)

Anô 3 : ( Reih zyh zyh kawpa ta) Phusa chhao ama hneilei tlai ama papisa kaw hra bao; ito na cha a.

Anô 1 : Chanô nah hlâta ama paru via; chyhsa kyh sai ama rei thlâh kha zaw!!! Eima ôpa nô khia maw eima khih lia reih thei chai vaw tah na ta, avaw châ tiarah lei kha. Eima Radio hlâta chhao ama paphôh  nasa via.

Anô 2 :  Keimo chhao bielôhhawhpa reih thlâh leipa ta viachhâ tao via heih tua s’u, achhâ daihma hi. Khichhai zy  vawtlô tlamaw ei sala eima maophyu tlamaw aw.( Sâdâ aby tawhta vaw thua ta vaw pa-ô pâ lymâ ta)

Anô 1 : Ado!! Ahlu pâ ta khawh tao lâlao si la, lai pâ awpa ta khaw tao tao pita, eima di tita eima saw nahzy chhao ama khoh kaw heih tlai my thopi nata ahmie awpa.

Anô 3 :  Viachhâ laipa eima dikhei tyh hela ngia nâ ryh thai vei keila; pha chhao tah thai tu na.

Anô  1 :  Aho tu chu!! Thopi dao eima hâna chhâpa sakha hawhta kei cha ei pachâ. Eima dikhei hra vei khia kheita maw eima paw nah hmiazy eima khaw thai tia hraw y; Eima dikhei awpa na tla cha.

Anô 2 :  Ado!!! Kei chhochhi la atamy ei vawpua awpa no ta eima paw ta vaw dikhei cheingei mah y na tah hra ta, ei dikhei vei khiatala o adi ngâh va na aw.  A rai rai ta na pasiasa kaw dua maw, na mâ ma pha, atamy nama âhmie ma pha?

Anô 3  :  Adikhei ngâthlâh tyh sila, eima hlep-pa chy tu tyh haw cha my. A khâ cha my eima thô khao aw? Khazopa râhkawhna châta mâh ta eima rai bua kawpazy patyuh pita eima vaw hria, eima dikhei ngâthlâh tyhpa hela corruption sâkha hawhta na keila ei pachâ, Zoramthanga ehh ahhhh, zoramthangi tlâ eima cha hraw chu.

Anô 1 : Cha na sia dâh muarua chala, lyu la na sie nahta na lyu opâpa nah hmiakhao nata thoparei na paru heih khaw. Nama chhôhkha niebaw tluana chhao nama paw khi-lia liata ahai laipa he ma tlâ châ vei. MDC-nah ama vawtlô nahta ‘Papuh, pihnô’ tah ei chi. Na chakua khia chakua lao la, na lalôh khia lalôh pathla tua. Na hrozie hi Sawsaw (Alderson) nohthla ataopa hlâta hmah a nohthla via.

Anô 2 : Hymmm,  he hawhpa hmozy la a hô tu  ha, K/m nata M/c nah hmahta Mid day meal thata ama nie he!!!  Ama saw nah phai lâ soh ei, phone ama hmapazy moh hlâh tua u, Bârâpi na alyu ahmia pahlia ka tô sai. Ama lahpino nah lyu hmah tao tlâ khao leipa eita, ama thaw thaw ta ochhôh  lia ama zia khai hlâh khu my. Viachha sakhazy tlai cha a, paw khazohpa varâh lia he hawhpa hmozy la buakhei ho na ta chhao pangiasa na.

Anô 1 :(Rei paro kawpa ta) Tlai chu!!! Tlai chu!!!  Pastor a vawtlô nahta “Amen amen khekhawkhe” tah ei, pastor sie ha nahta  “bleh blawh bleh” tah heih aw, keila ama hmi hmah hmo hoh tyh vei na, maihsa tawhta ama sermon nahta zy hi keila hmo hropa pachâ na ta; abyuh khia tlâ ei tlua-ua sai lymâ ei, apakhy leipazy hmah pei tah na, he hawhpa nah chhihthana ryh liata la o lia eima paw nata rakhô lia titi sila ei thôkhei via aw --sasa lâ chhao thlah lâ chhao.

Ano 2 : Na rei tly!!! Khihchhôh nata Machâ hluh via p’enawh hela Khazoh noh sôh thyuna lia hmah thyu beihi veih ei, ei pahnopsaia tu ha. A chhâpa la ei sawchanô hi sôh khei tyh ta naw, arei cha khai hlâh ha . Eima khih mo hela eima piry hra. Ama lahpinô nah ta ama pangiapâsa chuh. Pakhyna-o liata zawpi thlahchhâna lia ama ‘ Halleluia nata Amen” paro dah, Paro dâh tyhpa he ei na-ai  pâ ngakaw ei; Pioneer/Labour nah Motor phei palih hneipa hlâta hmah ama paro via. He hawhpa nah he lah Awnano thâ pachhâsa hih.  ( Sâdâ a pa-ô ngâkawpa vaw pachhao ta, Viachhâ tao pâ lilaw heih ta, aku chhao asie leipa ta).

Anô 2 : Mie na tlâ ama châ. Dao lia leibâh ama pachâ peimawh vei chuh. Hiah khai bâ si la apha aw. Ama ku chha tu sai. ( Anô 3, Hâ hualua papho leipa ta, tahpa hla paro tu leipa ta vawsa ta).

Anô  1 : Heiha!!! A khâpa rai vaw châ ha sala  Byhna pietuhpa Chô Khazohpa ta abyuhna dâh hawh ta hmah tlâ vaw la bâ sa, eima paphôhna zy avaw thei h hra ngyu ma?

Anô 3 :  Dawh 6 aparo ha, tlâ eima di lai bâ ma? Eima di haw tu khiatala eima paw nahzy miah hrâh hnao ngâkaw heih ei.

Anô 2 : Pha hlâh, tlâ adi lai bâ su e.

( Viachhâ cha polythene lia sâthôh  ta akho-khopa cha ty ei ta, chaba chhao chaba leip’ei ta,ama by nata ama hnorâh chaipai lia cha chaty pâ ei ta. Ama di haw.)

(ZAWPI EIMA DRAMA VAW MOTUHPA NAH ZYDUA CHÔ L LIATA CHÂLY PITA, EIMA DRAMA TAWHTA CHYHSA PALÔH TLYMA, AWNANO PALÔH TLYMA EIMA VAW PACHHIE TLAMAW KHIA BEI ZISU KRISTA MOH TA NGIATHEINA CHÂHAW EI NATA PACHÂTHAINA  BIEPHA EI VAW CHEI HMEISEIH. EIMA VAW CH (SHOW)-PA TAWHTA AWNANO HMIA L KEIH CHAK VIA NAWPA  NATA ATHÔKHEINA SÂKHA-SÂNO CHH  A Y KHIATALA EIMA ZYH CHYU HRA AWPA TA EI CHAHRUA HMEISEIH HRA EI, EIMA VAW CHÂNA (SHOW)-NA CHH CHAIPA SÂKHA  CHHAO A CH TA, EIMA HLAOTLOH TAHNA A CHÂ)

KHÔPAI SAW SU TO RÂH TO LIATA Â CHUNA VÂTA TLYMA, RAIHRIANA VÂTA TLYMA  NATA EIMA NGIAHNA CHI NANO-NANO TAOPA VÂTA  KHIH HRO LIATA A YPA NATA EIMA KHIH LIATA A Y PENAWH ZYDUA EIMA BEI CHAIPA  ZISU KRISTA TA BYHNA MIAH PIE CHYU MAWH SY – AMEN!!

EI CHALY KAW EI!!!)

    *********** J. Beikuzô************