(Tribute to T.A. Hrothie).
Dawh 11:15 AM lia ei phone cha vaw paro ngâkaw ta, ahymaw na vaw call tah palôhru na ta, chatacha ei phone kei mo nahta ei Puh Zawngia ( Keinô nawhta) vaw châ ta, Delhi lâ ei kaw zu tawhta bie eina chho beih leipa vâta eina vaw chho hrapa a châ hih tahpa hlâ khala, 6th July, 2017 noh tawhta tlâh lei pathao hapa, ei viasapaw , ei puhpa nata ei unawhpaw T.A Hrothie cha ei palôh lia vaw lâ ta, chihupa na chô ta phone cha la( Pick up) na ta ' Beiku, Athia( T.A Hrothie) cha atahmâ tlâi khaw ahu achhâ' na vaw tah hlâhpa la chapaw kô 19, Awhsi tlana râh liata ano deita, chihupâ na chô ta O tlôh ngakawpa châtala pahnothai ru hmeiseih. Ei pôhhmi cha ei khapi ta pahnolei chhôh ta vaw duah ta, pachâna pasipi na pie ta thlazohna nata chihuna ei palôh lia ryu a rei.
Minute sâthôh rachhôh a châ tawhta eima unawh liata uhthei chaipa Zovi ta na vaw call ta, nohhro châsala ' Class na kiah ma? Pati na nie haw?' eina vaw tah heih awpa kha châ ta, atahmâ lia deikua la chana pyu deita lei la thei awpa hro rai y vei. 12th September, 2017 eima chhôhkha châta noh rarôh a châ dâh rima chala. 11th September, 2001 liata suicide bomber ta American Flight School a bomb noh ' Sad Day' ama hmâh tyhpa hlâ atano ta eima chhôhkha duasu anai( nep) viana rai pahno va na. Ryhraotuh no-âhchhihpa deita la keimo zy hawh ngiapâna liata dadiepa la tlâ eima maochhie heih, Khazohpa lia lyna bie reih awpa eima hnei pazai thlâ bao na ta.
MTP, KTP etc., hmotao nata tlâhrai rai rai liata chyhsa paly pa-uasa thai chaipa; zawpi tha pathyu chai tyhpa; viasa palôhpachhiepa chi kawpa na châ tyh tlai ta aw!!! He tluhpo ta nasie para thlâhpa he la eima cha nô-u ngâsâ. Py liata cha hmâh pahnai pita, atamy ta thâtihbu, 'KTP AO'(KTP Ao he Khôpai Local News a châ) lia chhao Editorial Board Member châ chita, nohhro zy cha na kuzô eima rei tyhpa tlai atamy deikua na thâtih khohchhih leipa,rarôh-ypa deita reih pita, palôliena saita avaw châ ha bâ - na ku hniehnô zydua vâ eima châly ngâsâ, na hriapasana vâta chhao. Awnano nata khih-tlâh châ ta na hmotao phapa thâtih reih lymâ aw pi ta, chhâ vaw y awpa liata chhao eima reih lyma aw. Pu Mafaa Hauhnar ta " Hlâta uhthei viapa nata lytlâh miah khôhsai hapa eima uhta nah reithai nata palyupalihpa hela ahy cheita hmah ta rairu tah ma pi" tahpa hawhta na thâtih eima reih na liata reikah thlôhpa vaw i aw ma pi l'y.
Rairuna nata pachârôhna khizaw sihhnôpa ta chhâzaw râh la apangaina daihti/noh he na nô nata paw, na viahsa lôkhy, unawh-sanawh nahzy la pahno thai ru tah pita taohthaipa chhao aru eima tah ngaita kaw nahta ei pangiasa. Pawpi angia ngaita kawpa cha alaiseih khoh pita my nata zâ charei ti pie tyh pita phata ta eima mohôh tyh vei ma? Anodeikua pawpi eima khohpa nata kyh eima pachâ hapa deikua cha paw apawh lichih no hmah châsala eima thlo tyh vei ma? Chô Khazohpa he eima viahsapa, eima unawhpaw nata eima sawchapawpa he kyhpachâ ta A paradise lia pachârôh y khao leina nata nodi-dâhphi y khao leina su lia apaha bâ hr'awpa ta su apatosapa zy a châ theipa he lyna bierei awpa eima bâhpa ta ei pahno.
Khizaw acharei daihti liata moh angia a tah ngâsâ tyhpa Wrestler ' JEFF HARDY' moh hmâhpa ta a facebook profile name liata Jeff Azyu atah tyhpa kha atahmâ la, amo eima reih nata roh châki ta T.A Hrothie ( L) tahpa avaw byuh ha bâ aw, ei chapasai lei muarua chala uhta. Thadâh ta na y ha bâ awpa hma châsala adaihti lei tu ha. Vâ hlapy zy saih u, eima sawchapawpa,eima unawhpaw he vaw dao thai kaw muh vy. Chyhsa areisi kawpa l'y a châ. Nama hry liata vaw pa y sa ula, kyh toti liata vaw khokhei muh vy.
Awhsi Tlana râh liata ei y chhôh ta heta na thâtih avaw châ hlâhpa hela pei tah na ta, taoh thaipa chhao aru hmeiseih. Deikua la, he khizaw lia hela riethei to taoh chi ta, na châta na sie pato viapa chhao pei bao vei e, chyhsa tota eima bâhpa thina he khôkhâ thei rimapa châ tlóh lei ta. Na siena lâthlôh liata vâlyuchâpa nahzy "Ahymaw na châ? Khei hawhpa tawh avypa maw na châ?" tahpa ama cha hiahhri khiatala " Khizaw liata riethei to rai vaw tao hapa châ na ta, Khazoh mietakuh thisai chatlaipa na ei cha e" vaw tah mah y.
Leirâh he la rietheina to rai taoh paki chi ta, na thachhâ tu ha bâ aw, vâ peirâh nodi-dâhphi nata pachâro mâchhiesana y khao leina Paw ku chachâ lâ va tyu ha bâ mah y. Tlâhpa ta va sie mah y. Mâpha sy.
********** J. BEIKUZÔ**********
Dawh 11:15 AM lia ei phone cha vaw paro ngâkaw ta, ahymaw na vaw call tah palôhru na ta, chatacha ei phone kei mo nahta ei Puh Zawngia ( Keinô nawhta) vaw châ ta, Delhi lâ ei kaw zu tawhta bie eina chho beih leipa vâta eina vaw chho hrapa a châ hih tahpa hlâ khala, 6th July, 2017 noh tawhta tlâh lei pathao hapa, ei viasapaw , ei puhpa nata ei unawhpaw T.A Hrothie cha ei palôh lia vaw lâ ta, chihupa na chô ta phone cha la( Pick up) na ta ' Beiku, Athia( T.A Hrothie) cha atahmâ tlâi khaw ahu achhâ' na vaw tah hlâhpa la chapaw kô 19, Awhsi tlana râh liata ano deita, chihupâ na chô ta O tlôh ngakawpa châtala pahnothai ru hmeiseih. Ei pôhhmi cha ei khapi ta pahnolei chhôh ta vaw duah ta, pachâna pasipi na pie ta thlazohna nata chihuna ei palôh lia ryu a rei.
Minute sâthôh rachhôh a châ tawhta eima unawh liata uhthei chaipa Zovi ta na vaw call ta, nohhro châsala ' Class na kiah ma? Pati na nie haw?' eina vaw tah heih awpa kha châ ta, atahmâ lia deikua la chana pyu deita lei la thei awpa hro rai y vei. 12th September, 2017 eima chhôhkha châta noh rarôh a châ dâh rima chala. 11th September, 2001 liata suicide bomber ta American Flight School a bomb noh ' Sad Day' ama hmâh tyhpa hlâ atano ta eima chhôhkha duasu anai( nep) viana rai pahno va na. Ryhraotuh no-âhchhihpa deita la keimo zy hawh ngiapâna liata dadiepa la tlâ eima maochhie heih, Khazohpa lia lyna bie reih awpa eima hnei pazai thlâ bao na ta.
MTP, KTP etc., hmotao nata tlâhrai rai rai liata chyhsa paly pa-uasa thai chaipa; zawpi tha pathyu chai tyhpa; viasa palôhpachhiepa chi kawpa na châ tyh tlai ta aw!!! He tluhpo ta nasie para thlâhpa he la eima cha nô-u ngâsâ. Py liata cha hmâh pahnai pita, atamy ta thâtihbu, 'KTP AO'(KTP Ao he Khôpai Local News a châ) lia chhao Editorial Board Member châ chita, nohhro zy cha na kuzô eima rei tyhpa tlai atamy deikua na thâtih khohchhih leipa,rarôh-ypa deita reih pita, palôliena saita avaw châ ha bâ - na ku hniehnô zydua vâ eima châly ngâsâ, na hriapasana vâta chhao. Awnano nata khih-tlâh châ ta na hmotao phapa thâtih reih lymâ aw pi ta, chhâ vaw y awpa liata chhao eima reih lyma aw. Pu Mafaa Hauhnar ta " Hlâta uhthei viapa nata lytlâh miah khôhsai hapa eima uhta nah reithai nata palyupalihpa hela ahy cheita hmah ta rairu tah ma pi" tahpa hawhta na thâtih eima reih na liata reikah thlôhpa vaw i aw ma pi l'y.
Rairuna nata pachârôhna khizaw sihhnôpa ta chhâzaw râh la apangaina daihti/noh he na nô nata paw, na viahsa lôkhy, unawh-sanawh nahzy la pahno thai ru tah pita taohthaipa chhao aru eima tah ngaita kaw nahta ei pangiasa. Pawpi angia ngaita kawpa cha alaiseih khoh pita my nata zâ charei ti pie tyh pita phata ta eima mohôh tyh vei ma? Anodeikua pawpi eima khohpa nata kyh eima pachâ hapa deikua cha paw apawh lichih no hmah châsala eima thlo tyh vei ma? Chô Khazohpa he eima viahsapa, eima unawhpaw nata eima sawchapawpa he kyhpachâ ta A paradise lia pachârôh y khao leina nata nodi-dâhphi y khao leina su lia apaha bâ hr'awpa ta su apatosapa zy a châ theipa he lyna bierei awpa eima bâhpa ta ei pahno.
Khizaw acharei daihti liata moh angia a tah ngâsâ tyhpa Wrestler ' JEFF HARDY' moh hmâhpa ta a facebook profile name liata Jeff Azyu atah tyhpa kha atahmâ la, amo eima reih nata roh châki ta T.A Hrothie ( L) tahpa avaw byuh ha bâ aw, ei chapasai lei muarua chala uhta. Thadâh ta na y ha bâ awpa hma châsala adaihti lei tu ha. Vâ hlapy zy saih u, eima sawchapawpa,eima unawhpaw he vaw dao thai kaw muh vy. Chyhsa areisi kawpa l'y a châ. Nama hry liata vaw pa y sa ula, kyh toti liata vaw khokhei muh vy.
Awhsi Tlana râh liata ei y chhôh ta heta na thâtih avaw châ hlâhpa hela pei tah na ta, taoh thaipa chhao aru hmeiseih. Deikua la, he khizaw lia hela riethei to taoh chi ta, na châta na sie pato viapa chhao pei bao vei e, chyhsa tota eima bâhpa thina he khôkhâ thei rimapa châ tlóh lei ta. Na siena lâthlôh liata vâlyuchâpa nahzy "Ahymaw na châ? Khei hawhpa tawh avypa maw na châ?" tahpa ama cha hiahhri khiatala " Khizaw liata riethei to rai vaw tao hapa châ na ta, Khazoh mietakuh thisai chatlaipa na ei cha e" vaw tah mah y.
Leirâh he la rietheina to rai taoh paki chi ta, na thachhâ tu ha bâ aw, vâ peirâh nodi-dâhphi nata pachâro mâchhiesana y khao leina Paw ku chachâ lâ va tyu ha bâ mah y. Tlâhpa ta va sie mah y. Mâpha sy.
********** J. BEIKUZÔ**********
No comments:
Post a Comment