Nahkao pasikhypa ta thata ei pachâ tawhta, ei ziana khophei chalo awpa nata ei pati niena dawhkâh chalo awpa ta su hro la apasie awpa cha vaw biethlu na ta, ei viasapaw Haokholal Haokip(Manipur) nata cha ei y n’awpa vaih,Janta Flats lia cha 0 tlua pita, o to chhoh to cha eima hiahhri lymâ. Eima theichhôpa ta hiahhri pita eima tlua tawhta chhao “Huh! Bhaia ghali room hai” tahpa biechhyna deikua eima nahkao lia ngia awpa rai rai y mâh vei. Adi hla tuah si, tahpa ta zâ lâ dawh 7Pm(Rachhôh) lia eima o chyu pangaipa ta eima di ha.
Hata ei kha, Class bâh tawhta maih tlua tyh pita, hmô theipa rima cha leipa ta eima hneibeidy ngâsâ bâ. Broker( Commission ta O tluatuhpenawh) siepahliepa ta tlâ eima tlua bâ khaw tahpa vaw palôhru hma khai ha ba na ta, khâpa rai chasala atazâ la dawhkha(1) ngâlah eima tlua aw ( 6-7Pm), tahpa ta tlua heih pita, thathyuna rai rai hnei khao ma pi. Janta Flat râhri chhôh liata o tlua pita ta râh eima khie leina su rai rai a y ta pahno khao vana, kei pahnona liata kawh leipa nata buah chaipa chhao hih. Eima hiahhri chiehpa ei khazie hlei chei ma eima hiahhri chaneipa chhao âzai thlâh tah sala, ei biereipa liata ei confi chaipa cha leipa chhaota apazipa la a cha ngiathia aw.
Peivei khao liata pa khao va haihhri hlah heih tua si, tahpa ta ei kupazô ta dypâ pata ei dyna o la cha va pangai pita, ama ochhi va chakhy pita ama sawchapawpa hati ko 8 rahchhôh utheipa cha vaw pua ta, Aunti kaha pe, eima tah nahta ano beihchho ngakawpa cha va aw ta, eima hmia ahmopa nahta o cha nama khohpa ta a cha khia nama tlôh thei aw maniah tah hlahpa khala, eima hati viano ta( Vaw tah hlâh hra tua sa) ei khapi ta electric avaw khai nahta eima awsâh dâh khana awsâhpa tlâ ei khoh bâ hra, “nama khohpa achâ khia nama tlô khaw” atah no ta a oa anai sualua dâh khaw, ei nahkhao ta pyu atheipa hry liata la angia chai py a châleipa chhaoa ta angia py liata pahlao tlâhpa la achâ cheingei aw. Chatacha room zy cha mo pita thla heihpa 4th October, 2017 thla tawhta tlôh pathao awpa cha biethluna tao pita, thaphapa nata palôh pahâh kawpa ta o la adi pita, lâthlôh kia liata Momo ama zuana su liata ei viasapaw nata cha plate khophie rairie niepâ pita mawreih kawta ‘A tui kher mai’ , ( Eima vaih Momo zuapa liata pahâh lei tyh chaipa a châ tlai ta aw).
Ei vaw reih chiehpa hawhta khi, o hneituhpa miah hmôpa tawh nahta ‘Nama khohpa a chakhia nama tlo khaw’ maniah tahna chhâpa khi la, nohto o tluapa ta eima pua daihti liata eima hiahhri tyhpa vâta kha a châ tah lei thei vana. Meichho kurupa cha apaipa ta, nohsa pha ngâsâpa cha a vaw khai ha bâ hra. Cha noh khai ngia dah rima chala, cha noh khai pha ngasapa cha mo pavâhpa nah deita leila hmotheipa nata pahnokhei theipa cha ngyu vei aw.
“Hnabeidyna khô lâ na hlaotlona a y” ama vaw tah tyhpa he ado tah na ta, ahmeiseih tlaita asu lia azia nata ei tyu. Cha ei hmotaopa nata ei tyhpa zydua pachâ pakhuapa ta, tiama na cha hlaotlona a cha tahpa bie, hmo pasiatuhpa hry liata ei hlao hlah hra vei ma?. Khapa hmo rai he rainao thadâpa ta hmothei awpa nata to thei awpa vaw y vei.
*******J. Beikuzô*******
No comments:
Post a Comment