Ei tao dâh tyhpa hawhta dawh 10 PM a vaw paro ha nahta cha thopi sai doh heih awpa ta apachhuahpanoh na ta, chakua kaw hrasala ei rakhô puasaipa ta chôkâh lâ ei pangai
Thopi ei tao khai nahta rakhô lâ vaw kua heih na ta - rakhô chô lia thopi doh awpa ta. Chata ei vaw tyuhpa cha 'Khre' tahpa pyu ei vaw thei ha. A chatlie kawpa ta ei chao avaw pahua hmâ tarawn'ta ei 'Mobaina' cha heih lyu leipa a vaw châ hawh. Pei tah kaw hrasala yzie hnei khao leipa a châ hapa vâta pahno leipa ei pachâ rua rua( hehe).
Mydi ei thyupa tawn'ta class lâ va râ lyma na ta, mobaina leipa ta Class lia ei za tyuh hlâhpa cha takô a chakai leipa ta lyu thlyu lâ sie hapa nata a vaw miakha hlâh ha bâ. "Khi khi khâmaw?"tahpa saita ei viasapaw hiahripa ta class ei vaw bâ ha hra.
Chatawhcha, hnei ma hnei lei ma, mobai dao lâ pangaipa ta mobaina a mâ nao chaipa chalei awpa ta ei pua. Atahmâ rao hapa ei chaleina dao( Vision care, Hudson lane) lâ pangai heih na ta, 'Warranty-zy a y tlamw khia' tah palôhru hnei nachôta.
Warranty cha rei lei, ei hmie chhao na vaw pahno khao leipa ei ta, tao nawpa y khao vei. A pei tu ha. Ei mobai thlala(Lens) pha khai hlâh hnai ta, chôky(Frame) ngâlah chaleipa a thei khao tlôh va; frame ngâlah ta ei chalei khiah cha 50% discount ama tahpa kha cha-u( Uphawh ama tah tlyma pahnopasia na) châmai hneipa hawh dei tlâ vaw châ bâ. Hupo âchhih pathao bâ. Hei ha!!
Dao Manager nata buakha eima ei-chhia tawhta a khâ chama a pahno,a ry liata hriava aw ta "A sai ta vaw tao va t'u" atah hlâh bao. 'Lyna hla sa tua suh vy" tah hlazy taihta ei palôh lia a vaw lâ. Nathlie hra tua, cha pyu khohchhihpa cha. 'Na chho chanei heih la, na chho chanei heih tyh'
'Anano!!!' ei tah tuhpa pai thei vei, pachawparaw/no-âh ngiana (Exclamatory sign) sâtho ei padua pâ ngâkaw khi 'anano' tahpa lia, ei nazo vei khiah padyupa ta vâ lâ mo la, rei chanei tyh.
Ei vaw dina lâthlôh liata dao liata hriapa-nah sai ei palôhru lia bie ei ta, thata ei pachâna eina pie ei. Ei pachâ papua hapa hmo sâkha la, mobai chalei awpa ta ei vaw lai no lâthlóh kiah liata avaw duahpa-nah 'Rietheinazy châta baona chyhsa to hnohta vaw hiahp'enwh' liata tâkâ tlaw sypangaw ( Rs. 50) ei vaw pie hrapa kha ei vaw thei papua haw.
Phusâ ei hnei leinazie khawh Paw kházoh avaw pahnopasia kaw. Mobaina chaleina dao lia khawh athao tua no ta Mobai mâ(Price) la Rs. 1440 ( Amâ discount tawhta) a châ. Hmo nawh kawpa khiah maw eima tahpazy a vaw lai kaw -keimo hlâta vei peimawh viatuhpa nah châ la.
Khizaw liata phusâ pôh( Interest) chatlie chaina he Bank vaw châ vei tahpa ei pahnopasia ha bâ.
PS: Manager nohthla vaw lakheina châh ei pahno leipa deikua o ei vaw tlô nahta tlâ vaw thei bâ heih na. Time is gone, cannot hear again my shouting!!!
29-01-2018
******* J.BEIKUZÔ********
Thopi ei tao khai nahta rakhô lâ vaw kua heih na ta - rakhô chô lia thopi doh awpa ta. Chata ei vaw tyuhpa cha 'Khre' tahpa pyu ei vaw thei ha. A chatlie kawpa ta ei chao avaw pahua hmâ tarawn'ta ei 'Mobaina' cha heih lyu leipa a vaw châ hawh. Pei tah kaw hrasala yzie hnei khao leipa a châ hapa vâta pahno leipa ei pachâ rua rua( hehe).
Mydi ei thyupa tawn'ta class lâ va râ lyma na ta, mobaina leipa ta Class lia ei za tyuh hlâhpa cha takô a chakai leipa ta lyu thlyu lâ sie hapa nata a vaw miakha hlâh ha bâ. "Khi khi khâmaw?"tahpa saita ei viasapaw hiahripa ta class ei vaw bâ ha hra.
Chatawhcha, hnei ma hnei lei ma, mobai dao lâ pangaipa ta mobaina a mâ nao chaipa chalei awpa ta ei pua. Atahmâ rao hapa ei chaleina dao( Vision care, Hudson lane) lâ pangai heih na ta, 'Warranty-zy a y tlamw khia' tah palôhru hnei nachôta.
Warranty cha rei lei, ei hmie chhao na vaw pahno khao leipa ei ta, tao nawpa y khao vei. A pei tu ha. Ei mobai thlala(Lens) pha khai hlâh hnai ta, chôky(Frame) ngâlah chaleipa a thei khao tlôh va; frame ngâlah ta ei chalei khiah cha 50% discount ama tahpa kha cha-u( Uphawh ama tah tlyma pahnopasia na) châmai hneipa hawh dei tlâ vaw châ bâ. Hupo âchhih pathao bâ. Hei ha!!
Dao Manager nata buakha eima ei-chhia tawhta a khâ chama a pahno,a ry liata hriava aw ta "A sai ta vaw tao va t'u" atah hlâh bao. 'Lyna hla sa tua suh vy" tah hlazy taihta ei palôh lia a vaw lâ. Nathlie hra tua, cha pyu khohchhihpa cha. 'Na chho chanei heih la, na chho chanei heih tyh'
'Anano!!!' ei tah tuhpa pai thei vei, pachawparaw/no-âh ngiana (Exclamatory sign) sâtho ei padua pâ ngâkaw khi 'anano' tahpa lia, ei nazo vei khiah padyupa ta vâ lâ mo la, rei chanei tyh.
Ei vaw dina lâthlôh liata dao liata hriapa-nah sai ei palôhru lia bie ei ta, thata ei pachâna eina pie ei. Ei pachâ papua hapa hmo sâkha la, mobai chalei awpa ta ei vaw lai no lâthlóh kiah liata avaw duahpa-nah 'Rietheinazy châta baona chyhsa to hnohta vaw hiahp'enwh' liata tâkâ tlaw sypangaw ( Rs. 50) ei vaw pie hrapa kha ei vaw thei papua haw.
Phusâ ei hnei leinazie khawh Paw kházoh avaw pahnopasia kaw. Mobaina chaleina dao lia khawh athao tua no ta Mobai mâ(Price) la Rs. 1440 ( Amâ discount tawhta) a châ. Hmo nawh kawpa khiah maw eima tahpazy a vaw lai kaw -keimo hlâta vei peimawh viatuhpa nah châ la.
Khizaw liata phusâ pôh( Interest) chatlie chaina he Bank vaw châ vei tahpa ei pahnopasia ha bâ.
PS: Manager nohthla vaw lakheina châh ei pahno leipa deikua o ei vaw tlô nahta tlâ vaw thei bâ heih na. Time is gone, cannot hear again my shouting!!!
29-01-2018
******* J.BEIKUZÔ********
No comments:
Post a Comment