Thla chaki hlei nô chhi(womb) liata pahrâ pita, daodo ngâsâpa ta miah chado ei ta; ama daochhuahpazy keimo vâta â ty-o ei ta; ama khona lâ chhao sie-vawh thei leipa ei ta, ama hnei ma, hneilei ma nie pahâhpa torai ta nô chhi liata eima y no ta miah paniesa ei ta, miah ama padosa.
Chatacha, thla hrawh(10) hmia hmô daihma pata nô chhi tawhta chhiesana khizaw lâ eima vaw pua. Khizaw thiehpa liata rairuna nata palôh riethei hmiachhy bâ hra na daihti cha a vaw tlô haw. He khizaw liata pahrâ awpa ta Zawba chhochhi la 'Ei nô chhi liata vaw thi hawpa ei byu ngaita kaw, chaleipa chhao ta ei vaw pihpa tanahta thi thlâhpa ei khoh kaw' atah pâ ngâkaw.
Kô thôh (3) chhôhta ama ku ta miah py ei ta, ama zô lia âzia pita, ama paka ta lao miah paniesa ei ta, miah ama padosa. Eima tlâh lei nahta zy mokuh ramâ chhao hnei thai leipa ei ta, thlasipaw no a chakua hry liata zy pahâh kawpa ta eima mô thei nawpa ta mokuh amâ sai heih.
Eima pasasa tlamaw'pa chi ei ta; eima pua awpa chi ei ta; chyhsa hropa saw hmo eima mo-ia awpa chi ei ta; heih-nawh eima pha lei awpa ama chipa vâta amâ hneina sôh zydua, ama tha nata thisai cha keimo châ pyly ta nohsa ry liata ama mathlai ti hawhta â loh heih.
Nô kyhpachâna he khâtlu ta hmah reipasiapa â chhuah hrawsala ei thaina ta apha leipa ta, ei reikah thaina ta â chu hra leipa ta, ei pahnona ta chhao â daih pyly hra vei. Kyhpachâna chi nano nanopa hry liata kyhpachâna rônah chai py na a châ thlyu aw - nô kyhpachâna hi.
Tlaikao Poet Lalzuahliana ta "Kan tap ang a, kan tap a ni tih hretu erawh chu, Keimahni anga tap ve te chauh an ni si ang!" atahpa hawhta nô kyhpachâna pahno awpa chhao nô châ hra leipa ta pahnokhei thaipa châ rima ma pi, nô kyhpachâna he tilaipi hawhta a thu ta, avâhpi hawhta â sâh mah ta. Nô hneikhao leipa hry ta, eima hnei thlâh chypa he ngiachhiena tawhta ngiachhie pachhuahpa na a châ. Eima vâhnei ngaita.
Sawchapaw khatlu chhorupa hmah châ sala ama kyhpachâna dia beih leipa ta, ama kyhpachâna diapa châ reilei, kyh ama pachâ via rili ngâkaw khiah maw tah awpa ta zâcho khihdei na taihtazy ama chhôhpadâh lia chana chô ta thlah amâ chhâ tyh. Cha zydua cha pahnokhei thaipa aru ngai ta kaw, machhiesapa nah chhôhkha khatlu ta hmah pahnothai hrawsala, a liah-mari taih pahnothaikhei ma pi aw, a liah-mari taih pahnokheithaituh awpa la mâchhiesapa chhôhkha pyly a châ hra aw.
Noh vaw chhi ta, khih vaw deihpa maih ama sawnah heih-nawh hmo hneipa a hnei lei tlamaw aw; heih-nawh thainazie a thailei tlamaw aw; heih-nawh niepa nata dopa do thei vei aw tahpa chi ei ta no-noh nosa vâsua chhao pachâ khao leipa ei ta, thlôhmiah nata chava hriahri ta ama chao mathlai pua na taihta rai ama vaw hria tyh.
Chata ama sawnah châta riethei kawpa ta nohsa ry liata rai ama hriano ta ama phusa chy ta miah piepa, parietheipa lâta zy eima pazaw thlâhpa cha nô châta palôh pasa â chhih hr'aw va dâh! Chatacha, eima saw m'iah tao hrasala eima kho hraw vâ tlyma? Apasa tlai my! Nô deikua reikah nai kawpa ta pasyupalihna reikah naipa nata thlôhpa miah ama pabaw hei. Eima châly na, lei Khazohpa!
Khizaw chhao nô kyhpachâna lia pahno lei a vaw pachâ tiarâh vei. India he Miss World pacharu eima vaw hnei haw, he pacharu hry liata panoh nah hiahhrina nata a chhyna daihti ( Questions and Answers round) liata nô kyhpachâna lâ chhâta ama reih, Miss World ama vaw tlohna chhâpa sâkha a châ hra tah lei thei va na.
Kô 2017 liata Miss World, Haryana laihsa Manushi Chillar ama hiahhrina (Questions) ' Khei hawhpa rai he maw hlao(Salary) a sâh chaipa awpa ta aphu? A phuna chhâ reihpâ tyh.' tahpa ahhyna : 'Kei he keinô nata eima paky kaw vâta nô he za a phu chai ei ta. Hlao chôchâh na vaw reipa kha, phusâ hawhta pachâ hlei leipa'nta, kyhpachâna nata zana hawhta tlao ei pachâ. Kei nô he ei hmotaopa nata ei hro liata tha na pathyutuh chaipa châ ta; khizaw liata nô zydua he ama sawnahzy châta hmoto vaw ty-o ei ta ama vaw sôh. Châvata nô he hlao asâh chaipa nata zana a sâh chaipa amâ phu chai" a tah. Zawpi ( Audience) nah thata ku ama chabai.
Mother Teresa zy atanoh taihta hâra nah kyhpachâna nata a hmotaopazy pahno lymâpa a châ. Za âphu ta, chyhsa to chhao amâ za hra. India Chanô tawhta Noble Peace Prize a dao tuachaipa nata a y chhôhpa a châ. Mawrâh Congress sawkhâ tlai 'Mother Teresa pahno leipa nah maih NLUP ama dao aw' tah ei sala, dao awpa eima chy kaw nahta ei pangiasa.
Thokha eima nô raihria miah amâ hiahhri nahta, 'Khâhmah hria vei eima tah tyh'. Ô chhôh lia nô y leipa ta a thlâzi thai leipa ta, ado thai vei. Chhôhkha châta niebaw patohpatiapa he ama rai chaipa a châ tyh. Eima nô a charei tlyma, a charei-pakhy nahta tlyma cha ô chhôh rua ta, eima bielôhawh reipa chhao pahnia leipa ta, pakah â âchhih thai hra vei. 'Home Minister' ama châ hmeiseih o chhôhkhu lia.
Hamlet William Shakepeare areipa hawhta reih ei ta ei thei pachhuah hrapa la 'Unawh zy, Sietanô zy, paw zy nata mahnô-mahpaw zy thipa he la zoh ta, avaw khai heih tyh, nô thipa deikua chhôhkha châta zôh ta, chhâzaw atho pathla pâ haw' a tah. Eima nô khizaw liata mo m'iah ama padei lâ chhôh heta chhâzaw nata tlyzaw châta eima ngiapachhie lei awpa hmotao awpa he a vaw pha chai. Daihti asie tawh hnôh lâ vâpa phahnai khao tlôh lei ta
He vâ he na a châ thlyu aw, eimâ Biehrai liata 'Na paw nata nô ta amâ cha palaikhei thei nawpa ta hroh teh; cha alyna cha na nô pie teh.' ( Biesozy 23 : 25) a tahna chhâpazy hih. Tlai na! Cheihchalona asâh chaipa nata palyupalihna rônah chaipa ama phu hmeiseih.
A thei mawh sala, ei o-pa lyuhri nah liata zy apôhpa hmah phusâ dyuchei sala pie pakhuapa ei khoh - ei hawsaino tawhta atanoh taihta kyhpachâna ta miah mohhôna zydua hi! Cha deikua phusâ ta chalei thaipa châ rima va, chhâzaw ta amâ leibâh ei thô thei beih khao lei awpa deikua pei tah na ta, ei tah chhâzaw bâ hi!
(Dedicated to Dearest Mom, A. Nolaw a.k.a Zovi nô, who sacrifices everything for her child. Thanks a bunch for loving me much more than i deserved.)
Chatacha, thla hrawh(10) hmia hmô daihma pata nô chhi tawhta chhiesana khizaw lâ eima vaw pua. Khizaw thiehpa liata rairuna nata palôh riethei hmiachhy bâ hra na daihti cha a vaw tlô haw. He khizaw liata pahrâ awpa ta Zawba chhochhi la 'Ei nô chhi liata vaw thi hawpa ei byu ngaita kaw, chaleipa chhao ta ei vaw pihpa tanahta thi thlâhpa ei khoh kaw' atah pâ ngâkaw.
Kô thôh (3) chhôhta ama ku ta miah py ei ta, ama zô lia âzia pita, ama paka ta lao miah paniesa ei ta, miah ama padosa. Eima tlâh lei nahta zy mokuh ramâ chhao hnei thai leipa ei ta, thlasipaw no a chakua hry liata zy pahâh kawpa ta eima mô thei nawpa ta mokuh amâ sai heih.
Eima pasasa tlamaw'pa chi ei ta; eima pua awpa chi ei ta; chyhsa hropa saw hmo eima mo-ia awpa chi ei ta; heih-nawh eima pha lei awpa ama chipa vâta amâ hneina sôh zydua, ama tha nata thisai cha keimo châ pyly ta nohsa ry liata ama mathlai ti hawhta â loh heih.
Nô kyhpachâna he khâtlu ta hmah reipasiapa â chhuah hrawsala ei thaina ta apha leipa ta, ei reikah thaina ta â chu hra leipa ta, ei pahnona ta chhao â daih pyly hra vei. Kyhpachâna chi nano nanopa hry liata kyhpachâna rônah chai py na a châ thlyu aw - nô kyhpachâna hi.
Tlaikao Poet Lalzuahliana ta "Kan tap ang a, kan tap a ni tih hretu erawh chu, Keimahni anga tap ve te chauh an ni si ang!" atahpa hawhta nô kyhpachâna pahno awpa chhao nô châ hra leipa ta pahnokhei thaipa châ rima ma pi, nô kyhpachâna he tilaipi hawhta a thu ta, avâhpi hawhta â sâh mah ta. Nô hneikhao leipa hry ta, eima hnei thlâh chypa he ngiachhiena tawhta ngiachhie pachhuahpa na a châ. Eima vâhnei ngaita.
Sawchapaw khatlu chhorupa hmah châ sala ama kyhpachâna dia beih leipa ta, ama kyhpachâna diapa châ reilei, kyh ama pachâ via rili ngâkaw khiah maw tah awpa ta zâcho khihdei na taihtazy ama chhôhpadâh lia chana chô ta thlah amâ chhâ tyh. Cha zydua cha pahnokhei thaipa aru ngai ta kaw, machhiesapa nah chhôhkha khatlu ta hmah pahnothai hrawsala, a liah-mari taih pahnothaikhei ma pi aw, a liah-mari taih pahnokheithaituh awpa la mâchhiesapa chhôhkha pyly a châ hra aw.
Noh vaw chhi ta, khih vaw deihpa maih ama sawnah heih-nawh hmo hneipa a hnei lei tlamaw aw; heih-nawh thainazie a thailei tlamaw aw; heih-nawh niepa nata dopa do thei vei aw tahpa chi ei ta no-noh nosa vâsua chhao pachâ khao leipa ei ta, thlôhmiah nata chava hriahri ta ama chao mathlai pua na taihta rai ama vaw hria tyh.
Chata ama sawnah châta riethei kawpa ta nohsa ry liata rai ama hriano ta ama phusa chy ta miah piepa, parietheipa lâta zy eima pazaw thlâhpa cha nô châta palôh pasa â chhih hr'aw va dâh! Chatacha, eima saw m'iah tao hrasala eima kho hraw vâ tlyma? Apasa tlai my! Nô deikua reikah nai kawpa ta pasyupalihna reikah naipa nata thlôhpa miah ama pabaw hei. Eima châly na, lei Khazohpa!
Khizaw chhao nô kyhpachâna lia pahno lei a vaw pachâ tiarâh vei. India he Miss World pacharu eima vaw hnei haw, he pacharu hry liata panoh nah hiahhrina nata a chhyna daihti ( Questions and Answers round) liata nô kyhpachâna lâ chhâta ama reih, Miss World ama vaw tlohna chhâpa sâkha a châ hra tah lei thei va na.
Kô 2017 liata Miss World, Haryana laihsa Manushi Chillar ama hiahhrina (Questions) ' Khei hawhpa rai he maw hlao(Salary) a sâh chaipa awpa ta aphu? A phuna chhâ reihpâ tyh.' tahpa ahhyna : 'Kei he keinô nata eima paky kaw vâta nô he za a phu chai ei ta. Hlao chôchâh na vaw reipa kha, phusâ hawhta pachâ hlei leipa'nta, kyhpachâna nata zana hawhta tlao ei pachâ. Kei nô he ei hmotaopa nata ei hro liata tha na pathyutuh chaipa châ ta; khizaw liata nô zydua he ama sawnahzy châta hmoto vaw ty-o ei ta ama vaw sôh. Châvata nô he hlao asâh chaipa nata zana a sâh chaipa amâ phu chai" a tah. Zawpi ( Audience) nah thata ku ama chabai.
Mother Teresa zy atanoh taihta hâra nah kyhpachâna nata a hmotaopazy pahno lymâpa a châ. Za âphu ta, chyhsa to chhao amâ za hra. India Chanô tawhta Noble Peace Prize a dao tuachaipa nata a y chhôhpa a châ. Mawrâh Congress sawkhâ tlai 'Mother Teresa pahno leipa nah maih NLUP ama dao aw' tah ei sala, dao awpa eima chy kaw nahta ei pangiasa.
Thokha eima nô raihria miah amâ hiahhri nahta, 'Khâhmah hria vei eima tah tyh'. Ô chhôh lia nô y leipa ta a thlâzi thai leipa ta, ado thai vei. Chhôhkha châta niebaw patohpatiapa he ama rai chaipa a châ tyh. Eima nô a charei tlyma, a charei-pakhy nahta tlyma cha ô chhôh rua ta, eima bielôhawh reipa chhao pahnia leipa ta, pakah â âchhih thai hra vei. 'Home Minister' ama châ hmeiseih o chhôhkhu lia.
Hamlet William Shakepeare areipa hawhta reih ei ta ei thei pachhuah hrapa la 'Unawh zy, Sietanô zy, paw zy nata mahnô-mahpaw zy thipa he la zoh ta, avaw khai heih tyh, nô thipa deikua chhôhkha châta zôh ta, chhâzaw atho pathla pâ haw' a tah. Eima nô khizaw liata mo m'iah ama padei lâ chhôh heta chhâzaw nata tlyzaw châta eima ngiapachhie lei awpa hmotao awpa he a vaw pha chai. Daihti asie tawh hnôh lâ vâpa phahnai khao tlôh lei ta
He vâ he na a châ thlyu aw, eimâ Biehrai liata 'Na paw nata nô ta amâ cha palaikhei thei nawpa ta hroh teh; cha alyna cha na nô pie teh.' ( Biesozy 23 : 25) a tahna chhâpazy hih. Tlai na! Cheihchalona asâh chaipa nata palyupalihna rônah chaipa ama phu hmeiseih.
A thei mawh sala, ei o-pa lyuhri nah liata zy apôhpa hmah phusâ dyuchei sala pie pakhuapa ei khoh - ei hawsaino tawhta atanoh taihta kyhpachâna ta miah mohhôna zydua hi! Cha deikua phusâ ta chalei thaipa châ rima va, chhâzaw ta amâ leibâh ei thô thei beih khao lei awpa deikua pei tah na ta, ei tah chhâzaw bâ hi!
(Dedicated to Dearest Mom, A. Nolaw a.k.a Zovi nô, who sacrifices everything for her child. Thanks a bunch for loving me much more than i deserved.)
*******J. Beikuzô*******
No comments:
Post a Comment