A CHÂ HLÂH HRA VEI MA?

Nahkao pasikhypa ta thata ei pachâ tawhta, ei ziana khophei chalo awpa nata ei pati niena dawhkâh chalo awpa ta su hro la apasie awpa cha vaw biethlu na ta, ei viasapaw Haokholal Haokip(Manipur) nata cha ei y n’awpa vaih,Janta Flats lia cha 0 tlua pita, o to chhoh to cha eima hiahhri lymâ. Eima theichhôpa ta  hiahhri pita eima tlua tawhta chhao “Huh! Bhaia ghali room hai” tahpa biechhyna deikua eima nahkao lia ngia awpa rai rai y mâh vei. Adi hla tuah si, tahpa ta zâ lâ dawh 7Pm(Rachhôh) lia eima o chyu pangaipa ta eima di ha.

JERUSALEM LIA KHI!!!

JERUSALEM LIA KHI!!!

Khilia liata zawpi a hlai-hlâpa nah cha a chakua ama tah kawpa vâta Viakaolôpa aky ei ta; slipper akypa hmô awpa asô ngaita kaw, mawza ama ky hleikhô ta pheiky ama ky khai rô tah theipa a châ. Thokha pachawparawpa nah chhochhi la Viakaolôpa sânozy â ky patho ei ta, chakua tahpa ta ama pakah tawhta ama husa avaw pua ngâ kaw tyh. Auto Driver nah chhao chakua tah ngâsâ ei ta, hmaopahly(Mask) apahly khai ei ta ama hmao lia. Amâ tyuh molo khiah la ama chalyu ngâ kaw tahpa pahno thei hra vei sila mokhao liata âlâpasia ngâsâ lâthlô kiah liata hmo zuah tyhpa nah cha.

EIMA ZIZA NATA EIMA PALÔHRU (OUR SITUATION AND ATTITUDE)

 ( Paw pathôh heta KNP -nah thopi dao liata beilôhhawhpa reih pâ na chôta thopi doh ngâkaw ei ta.  Nô thopi dao hâpa-nah chhao ama rai chyu liata bua ngâkaw chy hra ei ta; thokha viachhâ tao ngâ, thokha ta thopi nata viachhâ nie ngâkaw hra tahpa ta.)

Melako paw :   Zâhnia ta election kha la ei palôh rai rai na tlâh thei vei, a fair leipa hmah châ vei asu thai rai vei.

Ketha paw :  Cha bao na, nâ ei cha khoh kaw tlai, keila nâ lah y ei cha vote.

Melako paw :  Eima khih mo chhihthatuhp’enawh hela naw ama ngâ tu sai, I ngâpa ma sie khai ha ei tly, kha election su tawhta khaw avaw adi syulyu hapa tlai maw ei khoh bao zâhnia cha, ama ngâ tu ha.