FOLLOW-UP AH KA FOLLOW VE CHAUH

Camp-ah ka lut ve a lawm maw le. Kan Speaker, Dr. Dennis Ramdinmawia, thusawi han ngainawm thei zia - dik si, rilh bawk si, nuizatthlak bawk si, dawn a ti sei thei hle. Kan Worship Leader V. Lalnunzira  theinghilh chi a nih lovang, keini ang Music engmah hre lo tan pawh Guitar a perh thiam ziah kan hre tlat, aw mawi mangkheng a nei bawk hi lawm, a mawi zia sawifiah thiam rual ka ni lo ve. Chuan a meizang hlaptu ber Lalnunpuii (Nute-i) pawh hi sawi hmai chi a ni lovang. Campers te'n damna an nei thei na na meipui depkaitu leh chhem vam tu ber te zinga mi a ni

Ka hrethiam chiah lo, mi fate'n Pathian khawngaihna an chang a, 'theipalingkawh'-a an ri mup mup hnuah pawh keima-ah erawh chuti teh vak in a la thawk lohvin ka hria, ka hre lo te pawh a ni mai thei e, ka hresual mai thei e ka tihna

Mahse, ka inchhir lo, inchhir chi a ni lo. Theology lamah ka mit a keu ve tan dawnin ka hria - Bible min zirtir miau sia le. Mak em mai chu Bible min zirtir a va'n ngainawm thin tak. Ka Lekhabu chhiartui ber tum pawh chhun-zan  zawmin ka chhiar pei ngai lo, YouTube velah khawvel-a Orator ropui tak tak hote thusawi hi min awi mut tu ah bak ka hmang ngai lo. Pathian thu ngaithlak lam chu a lang vak rih lo tihna a ni chu.

Speaker thusawi nuizathlak bawk si, dik bawk si. Ngainawm fe fe, thinrim tum bur lai pawha chhiar thut a nui vak vak thei chi ka note nual a, a then a zar ka lo share ve ang che u.

- Dawt sawi hrat deuh hi chu an pianthar hnuah pawh dawt an sawi an sawi - Nizan chu inlarna chutiang khatiang, ti ho hi. (Veng tin a kan neih theuh, sawi tur ka nei ve nual, pawisa erawh ka neih lem lo. He he!)

- Ngaizawng nei hi kan bà miah lo. (Ni e, Ngaizawng neih hi kan ba chu nih ta se, ba ngah tur tak tak ka hre teuh. Sawi zawm lo teh ang, a thui dawn tlat)

- Mizoram hmeichhia luck lutuk ho hi an khawngaihthlak. (Hei hi lawm ka va'n duh tak! Larh tawh láklawh, ek chheh larh a larh te pawh a huam, Zosap FB Group vel a mite pawh tih tel teh ang. En teh, thalarau pawlhna dawn chu a har ve ngawt ang ka ring, ka hresual mai thei e)


- Chuap nei loh la engtin nge i awm ang? - I awm lovang (Ni e, han awm ngaina tur a awm vak lo. Thlan khurah erawh kan awm ve thung ang. Han in-check chhin teh, i chuap a awm em? A awm hlauh a nih chuan i awm ve tihna. He he!)

- Rinnain kal tur, Risk-nain nih lovin. (Kei chu i hre em, en teh,  a mak tawp, ka sawi ngam lo, a ni lo, ka sawi thiam lo. Ka sawi a ni chuan fakna lam nih lovin, f*ck lam a ni dawn sia. Inzep rih a ngai! Mahse ka kamdak lutuk tho. Vawikhatna atan inzep ve rih teh ang)

- 'Engmah' bak engmah a nei lo. Engma chiah a nei. (A thil nei hlu ber safe-ah a dah pawh 'engmah' tho. A nei lo chhun pawh 'engmah' tho. Fapa nei tahse 'engmah'-a a tih mai thei. Ka ti ve ringawt a, ka hresual mai thei. Ka tawngthei mah mah dawnin ka hria, thenawm nu ai hret chuan ka zia. He he!)

- Mizoram-ah chuan Luck tawk chauhva pianthar kan tam. (En teh, i hre em? A dik ka tih hei chu. City Bus chuan ngam tawk lo chauh a larh te, mualpho tawk leka inngaizawngte pawh an awm an ti. An ti a ni miau sia, a dik lo mai thei e. Mahse, kei chu adik hi ka la ring fan).

- Mizo chu kal sual hi kan hlau lutuk a, thu (thru) sual kan tam khawp. (Hei hi man thiam tur aw. Thu (thru)  pangngaih a ni lo a nia. He ka thuziah i chhiar thiama i man lo a ni chuan rilru Doctor rawn vat a tha ang. Chuti lo chuan maw mi-â emaw an tih ang che. Doctor pan tur i hre ngang lo a ni chuan min zawt la, chuan Google-ah "Psychiatrist" tiin kan search dawn nia).

Camp atang chuan ni 16/02/2019 tlai dar 5 velah kan chhuak ta a...

He ka thuziah (Bracket chhunga mi ho hi) hi thutak ah lak loh tur. Thutak ah i lak dawn chuan i thutak vak lo tihna a ni ang. A hun leh hmun hria hi mi fing an tih. I hre lo a ni chuan mi-â nih lovin mimawl inih tihna. Mi-â damdawi hi damdawi dawr tinah lei tur a awm teuh laiin mimawl damdawi erawh Lopu (Lungpuk) tangin London thleng, a ni lo paw'n Bymari atanga Berlin thleng va zawng chhin te, eh chuan maw, Iana atanga Illinois thleng pawh i zawng chhin dawn nia. Tipa atanga Thailand thleng pawh han ti telh teh ang. 'I lo lam haw ang' ti hi mi thiam thurawn ngai kherh lovin Pani-Wala ho pawn an hrilh thei ang che ka ring. Ka hresual mai thei e.

Kei chu maw, en teh, ka la thutak lo a maw,  'Lak thutak loh pawl' a ka hming ziah luh thei a ni tawh ang.

I chiang vak lo a ni erawh,  a tawp berah Pencil-in i hming kan ziak ang.


Ka sawi tum ka la sawi lo...

Follow-up Programme kan nei meuh chuan maw thingtlang nula ang maiin ka tang zo ta lo. Ka lawm tawp  a ni mai, ka lawm. Camp chhung zawng ka beih; ka hlawh a chham. Last day-ah ngat phei chuan ka beidawng tawh lutuk a ni kha. Mahse maw, A hun takah rah thin  Pathian chuan damna min peh ve tawh a sin. Theitawpin Lalpa tan aw - kumkhua leh chatuan chatuan a tan aw. Lalpa khawvel a thilsiam mihring te min khawngaih zia hi a va'n thuk tak. Chumi ai mah chuan maw A "hmangaina" hi lawm, engtia han sawifiah tur nge nih ang le. Charles H. Gabriel hla dah ngial teh ang:


I stand amazed in the presence
of Jesus the Nazarene
And wonder how He could love me,
A sinner condemned, unclean.

How marvelous, How wonderful
and my song will ever be
How marvelous, How wonderful
is my Saviour's love for me.

Beram pu mi rinawm te, mi fel te, a palai te etc. hmangaihna hi chu thu hran nih ta se, misual dum ber pawh a hmangaih theina hi lawm. A mak a ni. Hei hi ka hrethiam vak ngai lo a hma khan, tunah ka hrethiam ta e, tihna phei chu a ni law. Ka man ve tan dawnin ka hria.